ڕۆژی 24/10/2019 بەڕێز سەربەست تۆفیق سەرۆكی بزافی ئاشتی ناوخۆیی (بان) سەردانی نووسینگەی مافی مرۆڤی سلێمانی كردو لەلایەن بەڕێوەبەری نووسینگە و جێگری بەڕێوەبەر و هۆبەی ڕاگەیاندن و پەیوەندیەكان پێشوازی لێكرا. لە دیدارێكدا باسی پرسەكانی مافەكانی مرۆڤ و سێكتەری پەروەردە و ئاشتی كۆمەڵایەتی و گرنگی هۆشیاركردنەوە لە بوارە جیاجیاكانی مافی مرۆڤ كرا. لە تەوەرێكی تردا باسی ئەنجامدانی چەند كارێكی هاوبەش كرا وەك خول و ۆركشۆپ بۆ چەند خوێندنگایەكی ئامادەیی سلێمانی بە مەبەستی ئاشناكردنی قوتابیان بە بنەماكان و پرەنسیپەكانی مافی مرۆڤ.

Share This