رۆژی 5شەممە بەرواری 5/9/2019 تیمی لەنوسینگەی مافی مرۆڤ لەسلێمانی بەسەرپەرشتی (سابیر عەبدوڵا) بەرێوەبەری نوسینگە، سەردانی بەرێوەبەرایەتی گشتی پەروەردەی سلێمانیان كردو لەلایەن مامۆستا (عومەر محمد ) جێگری بەرێوەبەری گشتی پەروەردەی سلێمانی پێشوازییان لێكراو تێدا لەبارەی چەند تەوەری گفتوگۆ كرا لەوانەش، وازهێنانی خوێندكاران لەخوێندن‌و ناشەفافی وەرگرتنی منداڵان لەباخچەكانی ساوایان، لەگەڵ پرسی چۆنیەتی مامەڵەكردنی لەگەڵ منداڵانی خاوەن پێداویستی تایبەت.
لەو سەردانەدا گفتوگۆی چڕ لەبارەی ئەو تەوارانە كراو جەخت لەسەر كاری هاوبەشی نێوان هەردوو دامەزراوەی پەروەردەو مافی مرۆڤ كرایەوە.
لەبەشێكی تری كۆبونەوەكەدا باس لەچۆنیەتی ئەنجامدانی راپرسیەك لەبارەی ئاستی وازهێنانی خوێندكاران لەخوێندن كارا، تابتوانرێت رێژەیەكە بەشێوەیەكی ئەكادیمی بەردەست بێت.
لەكۆتایی كۆبونەوەكە بڕیاردرا سەردان‌و پەیوەندی بەردەوام هەبێت تابتوانرێت كاری پێكەوەیی زیاتر ئەنجامبدرێت.

Share This