رۆژی 3شەممە بەرواری 2019/5/14 نوسینگەی مافی مرۆڤ لەسلێمانی لەرێگەی بەشی بەندینخانەكان بەدواداچوونی بۆ سكاڵای راگیراوێكی سەربازكرد، لەو بەدواداچونەدا كەهەریەكە لە (میدیا عەبدوڵا ) لیپرسراوی هۆبەی بەندینخانەكان‌و (مستەفا شەریف) فەرمانبەری یاسایی سەردانی دادگای سەربازی لەپارێزگای سلێمانی كردو لەلایەن لیوای مافپەروەر (دلێر عەلی) سەرۆكی دادگا پێشوازییان لێكراو، تێدا لە كەیسی ئەو راگیراوانەیان كۆڵییەوە كە سكاڵایان ئاڕاستەی نوسینگەی سلێمانی كردوەو بۆ ماوەیەكی زۆرە داواكانیان یەكلایی نەكراوتەوە، دادگا سەرجەم زانیارییەكانی تایبەت بەو كەیسانەی داواكراو بوو خستە بەردەم تیمی نوسینگەو رایگەیاند، لەدواكەوتنی دۆسیەكەدا دادگا هیچ كەمتەرخەمیەكی نییە، بەڵكو لێكوڵینەوەكان‌و لایەنەكانی پەیوەندیدار هۆكارن لەدواكەوتن‌و مانەوەی كەیسەكە بۆ ماوەیەكی زۆر.
لەبەشێكی تری بەدواداچونەكەدا ستافی نوسینگەی سلێمانی سوپاسی خۆیان ئاڕاستەی دادگا كرد، لەرونكردنەوە لەبارەی كەیسەكان‌و هاوكاریكردنی تیمەكانی نوسینگەی مافی مرۆڤ لەسلێمانی.

Share This