رۆژی 3شەممە بەرواری 2019/5/7 تیمی لەنوسینگەی مافی مرۆڤ لەسلێمانی، پێكهاتبوو لە سابیر عەبدوڵا بەرێوەبەری نوسینگەی مافی مرۆڤ لەسلێمانی، میدیا عەبدوڵا لێپرسراوی بەندینخانە، هەڵشۆ عەبدولفەتاح لێپرسراوی راگەیاندن، مستەفا شەریف فەرمانبەری یاسایی، سەردانی دادگای سلێمانیان كردو لەنزیكەوە لەگەڵ بەشێك لەدادوەران دانیشتن، لەو سەردانەدا ستافی نوسینگەی مافی مرۆڤ لەسلێمانی پرسیاری چەند كەیسێكی كرد كەلەرابردوودا بانگەشەی ئەوەی دەكرا بێ فەرمانی دادوەر راگیراون.
لەبەشێكی تری سەردانەكەدا جەخت لەسەروەری یاساو جێبەجێكردنی یاساكان بۆ هەموان كرایەوە.
لەبەرامبەر سەردانەكەدا دادگا ئامادەیی هەموو جۆرە هاوكارییەك‌و هەماهەنگیەكی لەگەڵ دەستەی مافی مرۆڤ دەربڕی‌و ئاماژەشیان بەوەدا كە هیچ كەسێك بی فەرمانی دادوەر دەستگیرنەكراوەو تا لێكوڵینەوەی پێویستیش تەواو نەبێت ناتوانرێت زانیاری لەبارەی كەیسەكان بخرێتەڕوو.
جێگەی ئاماژەیە نوسینگەی مافی مرۆڤ لەسلێمانی بەردەوامە لەبەدواداچوون‌و سەردانەكانی بۆ دادگاو لای دادوەران بەئامانجی ئاگاداربوون لەرەوتی لێكولێنەوە بریاری دادگاكان.

Share This