سیمینارێكی تایبەت لەسەر بنەماكانی پارێزگاری كردن و ڕێزگرتن لە مافەكانی مرۆڤ بۆ ئەفسەران و كارمەندانی بەڕێوەبەرایەتی نشینگەی پارێزگای سلێمانی بەڕێوەچوو كە تیایدا باس لە مافی مرۆڤ و ڕێكەوتنامە نێودەوڵەتیەكان و پەنابەران كرا. سیمینارەكە لە لایەن بەڕێوەبەری نوسینگەی مافی مرۆڤی سلێمانی وترایەوە، كە تیایدا باسی لە ماف لەڕووی پێناسە و ڕەهەندەكانی بە شێوەیەكی گشتی كرد، هەروەها باسكردنی ڕێكەوتنامە نێودەوڵەتیەكان بۆ مافەكانی مرۆڤ بەشێكی دیكەی سیمینارەكەی پێكهێنا. هەر لە سیمینارەكەدا باس لە مافەكانی پەنابەر و كەسانی بیانی لە هەرێمی كوردستان كرا، كە پێویستە مامەڵە كردن لەگەڵیاندا یەكانگیر بێت لەگەڵ پێوەرە نێودەوڵەتیەكاندا، ئەمە جگە لەوەی باس لەو هۆكارانە كرا كە وا لە كەسێك دەكات داوای مافی پەنابەری لە وڵاتێكی دیكە بكات. لە كۆتایشدا لەلایەن ئامادەبووانەوە پرسیار و سەرنجەكان لەسەر كۆی بابەتەكە خرایە ڕوو، لەلایەن مامۆستای سیمینارەكەشەوە وەڵامی پێویسیتان درایەوە.

Share This