بە مەبەستی دروستكردنی پەیوەندی و هەمئاهەنگی لەگەڵ ڕێكخراوەكانی كۆمەڵگەی مەدەنی و تاوتوێكردنی هەندێك بیرۆكە و پڕۆژەی پەیوەندیدار بە مافەكانی مرۆڤ و گەشەپێدانی مرۆیی، تیمێكی نوسینگەی مافی مرۆڤ لە سلێمانی، كە پێكهات لە بەڕێوەبەری نوسینگە و جێگری بەڕێوەبەر و لێپرسراوی هۆبەی چاودێكردنی بەندیخانەكان و لێپرسراوی هۆبەی ڕاپۆرت سەردانی ڕێكخراوی گەشەپێدانی مەدەنیەت (CDO)یان لە سلێمانی كرد. لە دیدارێكدا كە بەڕێوەبەری ڕێكخراوەكە و لێپرسراوی پرۆگرامەكان و پرۆژەكان ئامادەی بوون پێكەوە تاوتوێی چەند بیرۆكە و پڕۆژەیەك كرا كە پەیوەستن بە خزمەتكردن بە مافەكانی مرۆڤ و گەشەپێدانی مرۆیی بە شێوەیەكی گشتی، بە نموونە لە بواری بەرزكردنەوەی ئاستی هوشیاری، گرنگیدان بە ڕەوشی گرتووخانە و چاكسازییەكان، منداڵان، ژنان و كەسانی خاوەن پێداویستی تایبەت. هەردوولا پێكهاتن لەسەر ئەوەی لەمەودوا پێشنیاری پرۆپۆزەڵی چەند چالاكی و بیرۆكەیەك بكرێت و بەپێی توانا و بە هاوكاری ڕێكخراوی CDO كارییان لەسەر بكرێت.

Share This