. ده‌ستا سه‌ربخویا مافێ مروڤ /نڤیسینگه‌ها دهوك ول درێژاهییا كارو جالاكیێن به‌رده‌وام ژبوى پێخه‌مه‌تیا دیفجونا ره‌وشا گرتى وراگرتیا ل پارێزگه‌ها دهوكێ وپشتى كومبونا هه‌رسێ نڤیسینگه‌هێن سنورێ پارێزگه‌هێ كو ل به‌روارێ 7/6/2017ێ هاتبو ئه‌نجام دان پێخه‌مه‌تیا دانانا میكانیزمه‌كا دارشتى بو كارێ دیفجونا ره‌وشا گرتیا ل گشت جاكسازى وگرتیخانێن پارێزگه‌ها نافهاتى، ئه‌فرو ول رێكه‌فتێ 13/6/2017 شانده‌كێ پێكهاتى ل سه‌ر ئاستێ نڤیسینگه‌هێن (دهوك .. ئاكرێ .. زاخو) سه‌ره‌دان ودیفجونه‌كا كروپر بو جاكسازیا زركا یا مه‌زن ل دهوك ئه‌نجام دا . ل ده‌ستپێكا سه‌ره‌دانێ دا دانیشتنه‌ك دگه‌ل رێڤه‌به‌رێ جاكسازیێ هاته‌ ئه‌نجام دان ول دیف دا گه‌ریانه‌ك دناف هولێن گرتیا هاته‌ كرن وب درێژى دگه‌ل دادگه‌هكریا وراگرتیا ئاخفتن وگوهدارى دگله‌وگازندێن وان هاته‌ كرن هه‌روه‌ها گه‌ریانه‌كا دى دناف هولێن خارنێِ وئازوقه‌ى وده‌رمانا هاته‌ كرن ول نزیك ڤه‌ هایدارێ ره‌وشا گرتى وراگرتیێن بون ، یا هه‌ژى گوتنێ یه‌ كو ئه‌ف جوره‌ سه‌ره‌دانه‌ ل هه‌فتیێ جاره‌كێ دێ هێنه‌ ئه‌نجام دان ب مه‌به‌ستا جاڤدێرى كرنا ره‌وشا جاكسازى وگرتیخانێن سه‌ر ب سنورێ پارێزگه‌ها دهوكێ ڤه‌

Share This