دەستەی سەربەخۆی مافی مرۆڤ/ نووسینگەی مافی مرۆڤی سلێمانی
بە مەبەستی جێبەجێ كردنی فەرمانی ژمارە (22)ی دەستەی سەربەخۆی مافی مرۆڤ لە ڕێكەوتی 4/4/2020 كە تایبەتە بە پێكهێنانی لیژنەیەكی تایبەت لە دەستە بە مەبەستی بەدواداچوون بۆ كارەكانی لیژنەی دیراسەكردنی بارودۆخی حوكمدراوان و ڕاگیراوان لە هەرێمی كوردستان، بە ئامانجی دۆزینەوەی میكانیزمێك بۆ ئازادكردنی ژمارەیەكیان كە لەلایەن ئەنجومەنی دادوەرییەوە، وێڕای پەبەندبوون بە ڕێنماییە تەندروستیەكانی خۆپارێزی لە ڤایرۆسی كۆرۆنا ڕۆژانی 11 و 2020/4/12 تیمی نووسینگەی سلێمانی كە پێكهات لە بەڕێوەبەری نووسنگە و هۆبەی چاودێری بەندیخانەكان و هۆبەی ڕاپۆرت سەردانی چاكسازی گەورانی سلێمانی و چاكسازی ژنان و نەوجەوانانی سلێمانیان كرد بە مەبەستی وەرگرتنی نوێترین ئاماری سزادراوان و گوێگرتن لە بیرو بۆچوونی ئیدارەی چاكسازییەكان و خودی زیندانییەكان و بەدواداچوونی كێشە و داواكارییەكانیان و بەرزكردنەوەی ڕاسپاردە و پێشنیارەكان بۆ سەرۆكایەتی دەستە بە جۆرێك كە خزمەت بە ڕەوشی زیندانیان و سزادراوەكان و كارەكانی ئەو لیژنە باڵایە بكات، كە بە مەبەستی دیراسەكردنی ڕەوشی چاكسازی و زیندانییەكان پێكهێنراوە.

Share This