دوای ئه‌وه‌ی به‌ بریاری وه‌زاره‌تی په‌روه‌رده‌ی هه‌رێمی كوردستان قوتابخانه‌ی ئه‌مریكی له‌شاری هه‌ولێر داخرا به‌بریاری فه‌رمانی وه‌زاری ژماره‌ (7644) له‌ 26/6/2018 دواتر قوتابیانی ئه‌و قوتابخانه‌ چه‌ندان هه‌وڵیان دا تا مافیان نه‌فه‌وتئ و ئه‌و ساڵانه‌ی خوێندنیان به‌ فیڕۆ نه‌روات و بۆ ئه‌و مه‌به‌سته‌ بۆ دواجار سه‌ردانی ده‌سته‌ی مافی مرۆڤیان كردوو سكاڵایان تۆمار كرد له‌سه‌ر بریاره‌كه‌ی وه‌زاره‌تی په‌روه‌رده‌و بۆ ئه‌و مه‌به‌سته‌ش ده‌سته‌ی مافی مرۆڤ سكاڵای قوتابیانی به‌نوسراوی ره‌سمی ئاراسته‌ی وه‌زاره‌تی په‌روه‌رده‌ كردو داوای گه‌ڕانه‌وه‌ی مافی قوتابیه‌كانی كرد ، ئه‌وه‌ بو به‌ پی ی نوسراوی (7420) له‌ 27/11/2018 وه‌زاره‌تی په‌روه‌رده‌ / به‌ریوه‌به‌رایه‌تی بروانامه‌كان هۆبه‌ی نێو ده‌وڵه‌تی ئاماژه‌ی به‌ نوسراوی ده‌سته‌ی مافی مرۆڤ كردوه‌ بۆ وه‌رگرتنی ڕه‌زامه‌ندی به‌ڕێز وه‌زیری په‌روه‌رده‌ به‌ به‌رابه‌ركردنی سیسته‌می ئه‌مریكی بۆ ئه‌و قوتابیانه‌ له‌ پێناو نه‌فه‌وتانی مافه‌كانیان و به‌وه‌ش ئه‌و قوتابیانه‌ ساڵانی خوێندنیان وه‌ك خۆی بۆ هه‌ژمار ده‌كرێت به‌پێ ێ ڕێنماییه‌كانی وه‌زاره‌تی په‌روه‌رده‌.

Share This